काठमाडौं उपत्यकामा १४ जनामा हैजाको संक्रमण पुष्टि


काठमाडौं । काठमाडौं उपत्यकामा १४ जनामा हैजाको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौं उपत्यकामा असार २ देखि बुधबारसम्म गरिएको परीक्षणमा १४ जनामा हैजाको संक्रमण पुष्टि भएको हो । मन्त्रालयकी प्रवक्ता डा. संगीता मिश्राले आरडीटी र ह्याङ्गिङ ड्रप विधिबाट परीक्षण गर्दा १४ जनामा संक्रमण पुष्टि भएको जानकारी दिएकी छन् ।

उनका अनुसार ललितपुरमा संकलन गरिएको १८ वटा नमुनामध्ये १२ वटामा हैजा फैलाउने जिवाणु भेटिएको छ । हैजाबाट बच्न पानी उमालेर मात्र खान र ताजा खानेकुरा खान स्वास्थ्य मन्त्रालयले सबैलाई आग्रह गरेको छ । मन्त्रालयले पानी शुद्धिकरण तथा यसबाट बच्ने उपायका बारेमा कार्ययोजना अघि बढाएको मन्त्रालयले जनाएको छ । पानी उमालेर वा क्लोरिन हालेर मात्र  खान मन्त्रालले आग्रह गरेको छ ।

 

प्रकाशित: समय: 21:12:14  369पटक हेरिएको

तपाईको प्रतिक्रिया

सम्बन्धित समाचार