मुस्ताङ । मुस्ताङमा नेकपा एमालेले स्थानीय तह निर्वाचनमा खाता खोलेको छ । घोक्कर गाउँपालिका वडा १ मा अध्यक्ष पदमा टाँसी डेन्डुक ठकुरी, वडा ३ मा झ्याङ तेन्जिङ गुरुङ र वडा ४ मा झ्याङ दाङ खोताङ गुरुङ निर्विरोध निर्वाचित भएसँगै मुस्ताङमा एमालेले खाता खोलेको हो ।
निर्वाचन कार्यालयका अनुसार धरप गाउँपालिका वडा ५ मा प्रदीप थकाली र वडा सदस्य आइतबहादुर थकाली निर्विरोध निर्वाचित भएका छन् । सोही गाउँपालिकामा वडा नम्बर १ मा वडा सदस्य मनि विक, वडा २ मा अनिता घतानी र बुद्ध ज्वाप्चङ निर्वाचित भएका निर्वाचन कार्यालयले जनाएको छ ।
मनाङको नाफाभुमिमा एमालेका उपाध्यक्ष र वडाध्यक्ष निर्विरोध
मनाङमा नेकपा एमाले नार्कोभूमी गाउँपालिका उम्मेदवार मिङ्मा फुजुङ लामा निर्विरोध निर्वाचित भएका छन् । गाउँपालिका उपाध्यक्ष पदमा एकल उम्मेदवारी परेपछि लामा निर्विरोध निर्वाचित भएका हुन् ।
त्यस्तै जिल्लाकै मनाङनिशान गाउँपालिका वडा नम्बर ३ मा वडाध्यक्ष कृष्ण लामालगायत सबै सदस्यमा नेकपा एमालेका उम्मेदवार निर्विरोध निर्वाचित भएका निर्वाचन कार्यालय मनाङले जनाएको छ ।
361पटक हेरिएको 
