सबै विदेशी सेनाले निर्धारित मितिमै अफ्गानिस्तान छाड्नुपर्ने तालिवानको अडान


तालिवान लडाकूहरुले सेप्टेम्बरपछि अफगानिस्तानमा अमेरिकी सेना रहे जुनसुकै बेला कारवाही गर्ने चेतावनी दिएको छ ।

अमेरिकाले यसअघि नै सेप्टेम्बर ११ पछि आफ्ना सबै सेना फिर्ता बोलाउने निर्णय गरिसकेकाले फेरि पनि विभिन्न बहानामा ती सैनिक अफगानिस्तानमा रहे कारवाही गर्ने चेतावनी तालिवानले दिएको हो ।

अमेरिकाले कुटनीतिक नियोग र काबुलस्थित अन्तर्राष्ट्रिय विमानस्थलको सुरक्षाका लागि करिब एक हजार जना अमेरिकी सेना अफ्गानिस्तानमै रहने जनाएसँगै तालिवान विद्रोहीको यस्तो प्रतिक्रिया आएको हो ।

उत्तर एट्लान्टिक सन्धि संगठन ९नेटो० गठबन्धनको अमेरिकी सेना विगत २० वर्षदेखि अफगानिस्तानमा रहेको छ । तर पनि अफ्गानिस्तानमा विद्रोहीका हिंसात्मक गतिविधि रोकिएका छैनन् । अफ्गानी सेनाले सुरक्षाको जिम्मा लिएसँगै काबुलको भविष्यबारे चिन्ता बढेको अन्तर्राष्ट्रिय समुदायले बताउँदै आएका छन् ।

यता विद्रोही तालिवानीका प्रवक्ता सुहेल शाहीनले काबुलमा सैन्य कब्जा गर्ने आफूहरुको नीति नरहेको बताए । तर अमेरिकी सेना अझै पनि विभिन्न बहानामा अफगानिस्तानमै रहे भौतिक आक्रमण गर्ने उनले चेतावनी दिए ।

प्रकाशित: समय: 7:34:19  126पटक हेरिएको

तपाईको प्रतिक्रिया

सम्बन्धित समाचार