टोकियो ओलम्पिकमा शरणार्थी खेलाडी सहभागी हुने


टोकियो । जापानमा हुने टोकियो ओलम्पिक अन्तर्गत १२ खेलमा २९ शरणार्थी खेलाडीले प्रतिस्पर्धा गर्ने भएका छन् ।

अन्तर्राष्ट्रिय ओलम्पिक कमिटीको झण्डामा बसेर उनीहरुले टोकियो ओलम्पिकमा सहभािगता जनाउने भएका हुन् । विभिन्न देश छोडेर अर्को देशमा गएर बसेका त्यस्ता खेलाडीलाई आइओसीले सन् २०१६ को रियो ओलम्पिकबाट सहभागिता गराउने नियम बनाएको हो ।

२०१६ मा शरणार्थी कोटामा १० खेलाडीले प्रतिस्पर्धा गरेका थिए । यो पटक सो संख्या बढेर २९ पुगेको हो । आइओसीको झण्डामुनी प्रतिस्पर्धा गर्ने खेलाडीमा इरान, दक्षिण सुडान, अफगानिस्तान, सिरिया र इरिट्रिया देशका रहेका छन् ।

खेलकुदमा सम्भावना भएपनि विभिन्न कारणले अर्को देशमा गएकालाई आइओसीले शरणार्थी कोटामा राखेको हो । जुलाई २३ बाट सुरु हुने टोकियो ओलम्पिकका दुई खेल बेसबल र फुटबल उद्घाटनको तीन दिन अगाडीबाट सुरु हुनेछन् ।

यो पटकको टोकियो ओलम्पिक कोभिडका कारण एक वर्ष सारेर जुलाई र अगष्टमा गर्ने तय भएको हो ।

प्रकाशित: समय: 8:25:35  56पटक हेरिएको

तपाईको प्रतिक्रिया

सम्बन्धित समाचार