मकवानपुर । मकवानपुरमा ट्याङ्कर दुर्घटना हुँदा २ जना घाइते भएका छन् ।
पूर्ब पश्चिम सडक अन्तर्गत हेटौंडाबाट पथलैया तर्फ जाँदै गरेको ना ७ ख ६०७१ नम्बरको तेल बोक्ने खाली ट्याङ्कर अनियन्त्रित भइ हेटौंडा उपमहानगरपालिका १५ रातोमाटे सडक खण्डमा दुर्घटना हुँदा २ जना घाइते भएका हुन् ।
घाइते हुनेहरूमा सर्लाही ईश्वरपुर ४ घर भएका हेटौंडा ८ कमाने बस्दै आएका चालक ४५ वर्षीय बिक्रम भण्डारी र सहचालक हेटौंडा ८ राजपानी बस्ने अन्दाजी २६ वर्षीय सुमन तामाङ घाइते भएको जिल्ला प्रहरी कार्यालय मकवानपुरका प्रबक्ता प्रहरी नायब उपरीक्षक इन्द्रबहादुर रानाले जानकारी दिए ।
घाइते सहचालक तामाङको अबस्था गम्भीर रहेको र हेटौंडा ११ स्थित चुरेहिल अस्पतालमा उपचार भइरहेको जनाइएको छ ।
273पटक हेरिएको 
