नेपालमा आइतबार थप ४ सय ६३ जनामा कोरोना भाईरस संक्रमण पुष्टि भएको छ ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा.जागेश्वर गौतमले देशका विभिन्न २२ वटा प्रयोगशालामा भएको परीक्षणमा ४ सय ६३ जनामा संक्रमण पोजेटिभ देखिएको बताएका हुन् । यो सँगै नेपालमा कोरोना संक्रमितको संख्या १२ हजार ७ सय ७२ पुगेको छ । जसमध्ये ११ हजार २ सय ९८ जना पुरुष र १ हजार ४सय ७४ जना महिला रहेको मन्त्रालयले जनाएको छ ।
आइतबारसम्म ३ हजार १३ जना संक्रमित उपचारपछि निको भएर घर फर्किएका छन् । पीसीआर विधिबाट हालसम्म २ लाख १५ हजार ८ सय ३९ जना र आरडिटी विधिबाट २ लाख ९६ हजार ७ सय ६६ जनाको परीक्षण भएको छ ।
आज देशभरीका विभिन्न क्वारेन्टिनमा क्वारेन्टिनमा ६१ हजार ७ सय ३१ जना रहेका छन् । यस्तै ९ हजार ७ सय ३१ जना विभिन्न अस्पतालका आइसोलेसनमा उपचार भइरहेको छ ।
273पटक हेरिएको 
