✍️ रचना मोक्तान ‘यात्री’
लोन्पो÷गोबोनकादे
तिनि सेम्से म्हान्बान ताजि
ग्यागर ह्युलसे ब्यान्बा साकादे
नेपालला आङसिरि जाङ खाम्जि
ङाइ जाजामा ह्यान्दे छ्योइरि डोमा
कालापानी नेपालला सा हिन्ना
ग्रेन ह्युलसे बलिसे प्लेमा
ह्याङ्ला ह्युल्दा मिल ग्लोङ्बारि छेमा
तिङ्दा या थिङरि तोक थान्सि
नेपाल ह्युल्दा हपख्वाइजि
लोन्पो÷गोबोनकादे
एला चु ग्रेन गे म्राङसी
ग्यागर ह्युल्ला लोन्पो गोबोनला क्रास्या ल्हिग्जि
तिनी ङा केबा दिङसे सोम च्युइ बिथ्थामा
आङसिरि हिन्सै नेपालला क्योङ लि म्राङसि ।
नेपालला लि क्योङ आङ्सीरी म्राङ्जि
ङाला लिरि ह्राङ्नोन
ह्युल्बाला लिरि ताङ्बा ठाम्जी
कोरोनासे धिम न्हाङरी च्युप्प ल्हुइ
ल्हुइदा धिमन्हाङरीन ख्लासी
सेम फिरक्याप थोन्जि
तिरेमन कालापानीरी स्हाङ दोनिजी
लिम्पिया धुराला समफ्रादेन क्लाङनिजी
लिपु ल्हाला पकसिम्बा लाबासे
ङाला तिङमासे स्योम्बाह्राङ स्योम्जी
तिनि सेम्से नेपाल क्योङ्नोन कोर्जी ।
अङ्सीरि नेपाल पुर्गुल म्राङ्सी
सेमसे नेपाल क्योङनोन कोर्माह्राङ
खाइमा याङ्ला ताला ल्हुइसे कोर्बरी ?
खाइमा याङ्ला ताला लिम्पियाधुरारी
ला–जाङ क्लाङबारी
खाइमा याङ्ला ताला
कालापानीला क्युइ थुङ्बारी
खाइमा याङला ताला
लिपु ल्हारी सार्बा पाडा थुबारी ।
लोन्पो एसे बाङ लाउ
बाङ पिन्बारी ह्युल्बा मुला
आङसीरी ह्राङनोन
नाङ्बा साकादे पुर्गुल तातोला
ग्रेन ह्युल्ला बलिसे ङान्बा
ह्युलला साकादे ब्यान्तोला
अहिन बिसाम तिनि
खिम्चे ह्युलतेन छेतोला
अहिन बिसाम तिनि
ह्युल सोना लाबारी ह्याङ सितोला ।
ह्याङ सिसिन तासाइ
नेपाल ह्युल सोना लतोला ।
✍️ कवि यसो लेख्नु हुन्छ :- “कविताले कति देश, काल र वातावरण बोक्न सक्यो त्यो मूल्यांकन गर्ने जिम्मा तामाङ मातृभाषी पाठकहरुलाई सुम्पिएकी छु । देश बन्दबन्दीको अवस्थामा म आफू पनि बन्द कोठाभित्र थुनिएर भर्खरै सार्वजनिक गरेको देशको पूरा नक्सा अनि आधा खुसीलाई समेट्न शब्दहरुको माला उनेकी छु । पूरा खुसी भने देशले मिचेको भू-भाग फिर्ता ल्याउने दिन मात्र हुने आश गरेकी छु” । साभार तामाङ डाजाङ फेसबुकपेज ।
809पटक हेरिएको 
