तामाङपेज संवाददाता ।
ललितपुर । नेपाल रेडक्रस सोसाईटी ठैंव उपशाखाको आयोजनामा विजया दशमी तथा शुभ दिपावलीको पावन अवसरमा नेपाल रेडक्रस सोसाईटी जिल्ला शाखा ललितपुरका उपसभापति सुर्यप्रसाद घिमिरेको प्रमुख आतिथ्यमा गोदावरी नगरपालिका वडा नं.१४ का वडाअध्यक्ष जगन्नाथ महर्जनको विशेष आतिथ्यमा “शुभकामना आदानप्रदान तथा चियापान समारोह”शनिबार ठैंवस्थित श्री फुलचोकी माविको सभाहलमा सम्पन्न भएको छ ।
तामाङपेजसँग कुराकानी गर्नुहुँदै नेपाल रेडक्रस सोसाईटी ललितपुर शाखाका निवर्तमान सभापति बेखामान ब्यन्जनकारले उक्त समारोहमा नेपाल रेडक्रस सोसाईटी ठैंव उपशाखाका पुर्व सभापतिहरु,ठैंव खानेपानी तथा सरसफाई उपभोक्ता समिति प्रमुख महेन्द्र श्रेष्ठ,ढल निकास व्यवस्थापन समिति प्रमुख रोमलाल महर्जन,श्री फुलचोकी मावि विद्यालय ब्यवस्थापन समिति अध्यक्ष दीपेन्द्र श्रेष्ठ,प्र.अ.दामोदर सिलवाल ,रेडक्रसका आजीवन,साधारण सदस्यहरु,पदाधिकारीहरु,सरोकारवालाहरुको व्यापक सहभागिता रहेको समारोह,नेपाल रेडक्रस सोसाईटी ठैव उपशाखाका सभापति हरि महर्जनको सभाअध्यक्षतामा सम्पन्न भएको हो।
557पटक हेरिएको 
