तामाङपेज संवाददाता ।
ललितपुर । विजयादशमी,दिपावली,छठ ,नेपाल सम्वत ११३९ को शुभ अवसरमा निजि तथा आवासीय विद्यायल प्याब्सन महालक्ष्मी नगर समितिको आयोजनामा शिक्षासेवी एवं समाजसेवी डिके ढुंगानाको प्रमुख आतिथ्यमा महालक्ष्मी नगरपालिका इमाडोलस्थित ईन्द्रेणी फुडल्याण्डको सभाहलमा “अन्तरक्रिया तथा शुभकामना आदानप्रदान कार्यक्रम”शनिबार सम्पन्न भएको छ ।
तामाङपेजसँग कुराकानी गर्नुहुँदैं प्याब्सन महालक्ष्मी नगर समितिका अध्यक्ष कैलाशकुमार मल्लले उक्त कार्यक्रममा बालकुन्ज स्कुल लुभुका संस्थापक प्रधानध्यापक श्री बालचन्द्र बोगटीलाई प्रमुख अतिथि ढुंगानाले दोसल्ला ओढाई सम्मान,श्री अनन्त माविका प्रधानध्यापक गोपाल घिमिरेलाई प्याब्सन महालक्ष्मी नगर समितिको सदस्यमा मनोनयन,विभिन्न व्यक्तित्वहरुलाई मायाको चिनो,दशैको उपलक्ष्यमा जमरा प्रदान गरेर विशिष्ट ब्यक्तित्वहरुलाई विभुषित गरिएको जनाएका छन् ।
उक्त कार्यक्रममा एन प्याब्सनका केन्द्रीय सचिव शम्भु अधिकारी,प्याब्सनका केन्द्रीय उपाध्यक्ष टंक भट्टराई लगायतका बक्ताहरुले शिक्षाका सवालमा बोल्नु भएको थियो।
कार्यक्रमको संचालन प्याब्सन महालक्ष्मी नगर समितिका सचिव एवं होपभ्याली स्कुल एकेडेमीका प्रधानध्यापक एकराज कोईरालाले र कार्यक्रमको प्रमुख प्रायोजन एन आई सि एशिया बैक र फ्युउचर स्कुल एकेडेमीका प्रधानध्यापक एवं प्याब्सन महालक्ष्मी नगर समितिका उपाध्यक्ष आर.बी.गिरी र आर्थिक व्यवस्थापन कोषाध्यक्ष रिना श्रेष्ठले गरेका थिए।
545पटक हेरिएको 
