तामाङपेज ,काठमाडौ
गायिका जमुना योन्जनको नयाँ पूर्बेली सेलो गीत “घुम्दै फिर्दै” को भिडियो सार्वजनिक भएको छ । राजधानीमा एक कार्यक्रम आयोजना गरी गीत तथा भिडियो सार्वजनिक गरिएको हो ।गीतमा विश्व दोङ्को शब्द तथा संगीत रहेको छ भने फणिन्द्र राइको एरेन्ज रहेको छ । गायक विश्व दोङ र जमुना योन्जनको स्वर रहेको भिडियोमा तामाङ मौलिकता झल्कने नृत्य तथा दृष्यहरु समेटेर छायाँकन गरिएको छ । तामाङ सेलो गायन क्षेत्रका बरिष्ठ रचनाकार, संगीतकार तथा गायक चन्द्र कुमार दोङले सांगीतिक यात्राका लागि यो महत्वपूर्ण रहेको बताएका छन्।
गायक विश्व दोङ आफैले निर्देशन गरेको उक्त गीतबाट लोप हुँदै गएको कला संस्कृतिको जगेर्नामा केही योगदान पुग्नेमा आशावादी राखेका छन । मोडल तथा नृत्य निर्देशक अभि लामाको कोरियोग्राफी रहेको भिडियोमा स्वयम गायक विश्व दोङ र जमुना योन्जन अभिनय रहेको छ भने मिना तामाङ र कृष्ण ब्लोनले पनि अभिनयमा साथ दिएका छन् । सूर्य लामाले सम्पादन गरेका भिडियोलाई दिपेश प्रधानले मिक्सिङ गरेको छ । पर्पल स्टुडियोमा शरन छिनमद्वारा रेकर्ड गरेको गीत तथा भिडियो जिग्मी मिडियाको युट्युब च्यानलबाट बजारमा ल्याएको हो ।
1319पटक हेरिएको 
