तामाङपेज संवाददाता ।
ललितपुर । महिला र बालबालिकाको पहलमा संचालित “गोदावरीखोला क्षेत्र सरसफाई अभियान” प्रत्येक शनिबार बिहान ७:३० देखि ९:३० बजेसम्म साताको दुई घण्टा हुने भएको छ ।
विं.सं.२०७५ फागुन २६ गतेदेखि प्रत्येक आईतबार बिहान १० देखि ११ बजेसम्म नियमित साताको एक घण्टा हुँदै आएको सरसफाई अभियान ,स्थानीय वासिन्दा ,सरोकारवालाहरुको सुझाब मुताविक श्रावण २५ गते सम्पन्न बैठकले नियमित सरसफाई अभियन्ताहरुको उपस्थितिमा व्यापक छलफल गरि आउँदो भाद्र १४ गते शनिबारदेखि प्रत्येक शनिबार सातामा दुई घण्टा नियमित रुपमा गर्ने निर्णय भएको गोदावरीखोला क्षेत्र सरसफाई अभियानकी संयोजक बेबी राजभण्डारी थापाले जानकारी दिएकी छिन् ।
यो हप्ताको शनिबारदेखि गोदावरीखोला क्षेत्र सरसफाई अभियानले २६ औं शृङ्खलामा प्रवेश गर्दैछ।
439पटक हेरिएको 
