तामाङपेज संवाददाता ।
काठमाडौं । सामाजिक अभियन्ता एवं ललितपुर क्षेत्र नं.१ का प्रतिनिधि सभाका सांसद नवराज सिलवालको धर्मपत्नी सिर्जना सिलवालको पहलमा हस्तकला महासंघ नेपालका पदाधिकारीबीच ललितपुरको क्षेत्र नं १ का युवा ,महिला दिदिबहिनी ,दाजुभाईहरुलाई कसरी स्वरोजगारको वातावरण बनाउन सकिन्छ भन्ने उद्धेश्यले विशेष छलफल हस्तकला महासंघ नेपालको सभा हल थापाथलीमा बिहिबार सम्पन्न भएको छ ।
सामाजिक अभियन्ता सिलवाल र हस्तकला महासंघ नेपालका वरिष्ठ उपाध्यक्ष प्रचण्ड शाक्य,उपाध्यक्ष सुनिल चित्रकार,महाप्रबन्धक श्रीकृष्ण पौंडेल,हस्तकला महासंघ नेपालका पुर्व अध्यक्ष एवं सल्लाहकार विकास साख्वाबीच भएको विशेष छलफलले स्वरोजगार दिलाउने र हस्तकला सम्बन्धि कार्य गर्ने सवालमा विशेष छलफल केन्द्रीत रहेको सांसद सिलवालका स्वकीय सचिव राजेन्द्र न्यौपानेले तामाङपेजसँगको कुराकानीमा बताएका छन् ।
1023पटक हेरिएको 
