तामाङपेज संवाददाता ।
ललितपुर।
अविरल वर्षातका कारण महाँकाल -१ बुखेलका पानमाया लो ,सन्दीप लो र अविरल गोले तामाङले ज्यान गुमाएका थिए ।
ज्यान गुमाएका मध्ये पानमाया लो ,सन्दीप लो तामाङको बसोबास रहेको महाँकाल गाउँपालिका बुखेलस्थित खरिडाँडा ,कोन्ज्योसोम गाउँपालिका वडा नं.२ शंखुको पनि सिमाना पर्छ ,बाढीपहिरोबाट पिडितको नागरिकता बुखेल भएपनि बसोबास शंखुमा पर्दछ ।
कोन्ज्योसोम-२ शंखुका वडाअध्यक्ष ध्रुव घिमिरेले जिल्ला प्रशासन कार्यालय ललितपुरबाट प्राप्त त्रीपाल एक थान, कम्बल दुई थान र वडा कार्यालय शंखुबाट एक बोरा चामल शंखु म्हानेचौंरमा बाढीपहिरोबाट निधन भएका पानमाया लो तामाङका छोराहरुलाई मानविय हिसाबले प्रदान गर्नु भएको छ ।
राहत प्रदान गर्नुहुँदै तामाङपेजसँगको कुराकानीमा वडाअध्यक्ष घिमिरेले बाढीपहिरोबाट ज्यान गुमाएका परिवार,घरवस्ती जोखिममा परि घरबार बिहिन ,बाढीपहिरोबाट पीडितहरुलाई राज्यले न्यायोचित राहत तथा पुनर्वासको व्यवस्था गर्नु पर्ने बताएका छन् ।
617पटक हेरिएको 
