तामाङपेज संवाददाता।
भक्तपुर।
युवा गायक तथा संगीतकार अभिषेक तामाङको “नत सम्सि धोला माया नत च्यासी म्राङला” भन्ने गीतको म्युजिक भिडियो सार्वजनिक भएको छ। राष्ट्रिय तामाङ घेदुङ संघको केन्द्रीय अध्यक्ष वीर बहादुर योन्जनको प्रमुख आतिथ्यमा भक्तपुरको सूर्यबिनायक स्थित माउन्टेन मल्टिपल कन्सल्टेन्सीको सभाहलमा एक कार्यक्रमको आयोजना गरी उक्त भिडियो सार्वजनिक गरिएको हो।
कुमार स्याङवाको शब्द रचना रहेको उक्त गीतमा संगीत संयोजन गायक तामाङले नै गरेका छन् भने एरेन्ज दिपेश प्रधानले गरेका हुन् । गायक तामाङको स्वरलाई गायिका सृजना स्याङतानले साथ दिइएकी छिन् ।सोनाम पाख्रिनको निर्देशन , सन्जीत श्रेष्ठको छायांकन र ड्रोन सुरेश घिसिङको रहेको छ। भिडियोमा सागर घिसिङ र सुजिना गोलेको अभिनयलाई हेर्न सकिनेछ।
शुक्रबार सम्पन्न उक्त कार्यक्रममा नेपाल तामाङ घेदुङका महासचिव प्रविन कुमार बल,नेपाल तामाङ कलाकार संघका अध्यक्ष संजीव वाईबा,शुक्र दोङ,कर्म लामा लगायतको उपस्थिति रहेको थियो।
507पटक हेरिएको 
