गीत:
असारे चोली फेरिन कान्छा म रोपाइँ गैंननी
बाउसे तिमी नौं डाँडापारी म रोपहार भैंननी
फलाउने अन्न भकारी टन्न त्यो दिन रहेननी
काम गर्ने हात बिदेसमै चल्छन् यहाँ कामै भएननी ।।१.।।
बज्दैनन अब बेठीको बाजा म नाँच्न नपाइननी
असारे फुल सिउँरेर केशमा म हाँस्न पाइननी
रामेको कोदाली सललल गर्दै बगेन हिलोमा
मायाको बात सुनाउन पाइन् धान झार्ने खोलामा ।।२.।।
अक्षता बीउ चढाउँथे आलिमा त्यो देख्न पाइननी
अर्म र पर्म पाखुरी साटने संगिनी छैन्ननी
असारे गीत हामी दुई गाउँथ्यौ म एक्लै गाउँदिन
बैंसालु आँखा छन् बाटो छेक्ने म बेसिं धाउँदिन ।।३.।।
बर्सौं बिते बिछोडका दिन यत्तिका सहिननी
तिमी बिते बिछोडका दिन यत्तिका सहिननी
तिमी बाहेक बुझिदैछ कान्छा म अरुको भैननी
हिलोमा लाप्पा खेलेको कान्छा याद आउँछ मनमा
अतित सारा बिउँझेर आउँछन् म्वाँए खान्छन् तनमा।।४.।।
(नोट : लेखिका, ललितपुर जिल्ला,गोदावरीका वासिन्दा विगत लामो समयदेखि साहित्यको क्षेत्रमा कविता,गीत,गजल लेख्दै साहित्यमा योगदान दिनुहुने एक सर्जक हुन् ।)
721पटक हेरिएको 
