पोल्ट्री ब्यबसायीको अन्तक्रिया कार्यक्रम सम्पन्न


तामाङपेज सम्बाददाता, रसुवा ।
रसुवाको कालिका गाउँपालिका २ स्याउबारीमा पोल्ट्री ब्यबसायी भलाई संघको अन्तक्रिया कार्यक्रम सम्पन्न भएको छ।
धादिङ, नुवाकोट र रसुवाको पोल्ट्री व्यवसायीहरु सम्मिलित एक दिन अन्र्तक्रिया कार्यक्रम सम्पन्न भएको हो ।
अन्र्तक्रिया कार्याक्रममा बोल्दै प्रदेश सांसद तथा कार्यक्रमका प्रमुख अतिथी हिरानाथ खतिवडाले नेपालको एक मात्र आत्मनिर्भर व्यवसाय पोल्ट्री रहेकाले यसको विकास र विस्तार र सम्भावनाको लागि सरकारले ध्यान दिएको बताए ।
कार्यक्रमका बिषेश अतिथी तथा संस्थाका वरिष्ठ सल्लाहकार एवं जिफन्ट कृषि मजदुर संघका केन्द्रीय सदस्य सुरेश आचार्यले पोल्ट्री व्यवसायमा बिभिन्न समय सन्दर्भमा आउने बर्डफ्लु हल्ला एवम् अन्य रोगब्याधले बजार डामाडोल हुने र लाखौ करोडौँको लगानी धराशायी हुने जोखिम देखिएको बताए ।
आचार्यले ब्यबसायिक अधिकारका निम्ति संगठित हुनु अपरिहार्य रहेको भन्दै सांगठनिक शक्तिले मात्र पेशाको रक्षा र सुरक्षा गर्न सक्ने बताए । स्वस्थकर मासु लगायत अन्य बिभिन्न खानपानले मानव जीवनलाई प्रत्यक्ष प्रभाव पार्छ र यस भलाई संघले काठमाण्डौं लगायतका गाउँ बस्ती एवम् बजारहरुमा स्वस्थकर मासु उपभोक्ताको माझमा पुराएर मानव जीवनलाई निरोगी बनाउन योगदान पुराउन सक्ने बिश्वास व्यक्त गरेका छन् ।
यस्तै कार्यक्रममा रसुवा जिल्लाको सहायक प्रमुख जिल्ला अधिकारी सपना भट्टराईले यस व्यवसायको प्रगतिको लागि शुभकामना दिएकी छिन् । संघले अन्तक्रिया कार्यक्रम संगै बनभोज कार्यक्रम पनि गरेको हो । कार्यक्रममा संघका अध्यक्ष हेरम्बराज कोईरालाले यस व्यवसायमा दुख पनि रहेको, आफुहरुले दुख पनि भोगेको बताउँदै सफलताको लागि एक आपसमा हातेमालो गर्नुपर्ने बताए ।
कार्यक्रममा कालिका गाउँपालिका रसुवाका उपाध्यक्ष भवानी न्यौपाने विभिन्न गाउँपालिकाका पदाधिकारी एवम् वडा अध्यक्षहरु,स्थानीय समाजसेवी लगायतले कुखुरा व्यवसाय भित्रको समस्या र यसका समाधानका लागि राज्यले पहल गर्नु पर्ने सुझाव दिएका थिए । धादिङ, नुवाकोट र रसुवामा मात्र करिब १०० जना कुखुरा व्यवसायी छन भने यश व्यवसायमा करोडौंको लगानी रहेको छ । यस क्षेत्रले काठमाडौं उपत्यकाको बजारमा कुखुराको मासु खपतमा मुख्य योगदान पुराउदै आएको छ।

प्रकाशित: समय: 12:58:26  454पटक हेरिएको

तपाईको प्रतिक्रिया

सम्बन्धित समाचार