करण तामाङ, नुवाकोट।
नुवाकोटमा विदुर नगरपालिका स्तरीय राष्ट्रपति रनिङ शिल्ड कराँते प्रतियोगिता बट्टार कभर्डहलमा साेमबार सम्पन्न भएको छ। प्रतियोगितामा त्रिभुवन त्रिशूली मावि पाँच स्वर्ण र एक रजत सहित प्रथम हुन सफल भएको छ।
यसैगरी पृथ्वी माविले दुई स्वर्ण,एक रजत, छ काँस्य सहित द्धितिय स्थान तथा एक स्वर्ण, एक रजत र दुई काँस्य पदक सहित काल्याणकारी माविले तृतीय स्थान हात पार्न सफल भएको छ । यसैगरी अन्य सहभागी हुने विद्यालयहरुमा च्वाडी माविले दुई रजत दुई काँस्या पदक तथा कर्मासङ माविले एक रजत एक काँस्यपदक यसैगरी शुलक्षणा माविले तीन काँस्यपदक, भैरुम माविले एक रजत पदक र नेशनल बेथेलले एक रजत एक काँस्य हात पार्न सफल भएको छ ।
प्रतियोगितामा प्रथम र द्धितिय भएको खेलाडीहरुले जिल्ला स्तरीय राष्ट्रपति रनिङ शिल्ड प्रतियोगितामा सहभागी हुन पाउने कुरा पनि नुवाकोट जिल्ला कराँते प्रमुख प्रशिक्षक उत्तम राईले जानकारी दिनुभएको छ।
686पटक हेरिएको 
