गजल
जे गर्न नि खटन हुन्छ परदेशमा
मनै छियाछिया पार्ने वचन हुन्छ परदेशमा ।
स्वदेशको जस्तो शितल कहाँ पाउनु र खै यहाँ
मरुभूमिको तातो हावा वहन हुन्छ परदेशमा ।
ठेगान हुन्न जिन्दगीको, कोही कसैको त कठै !
टिक्न नपाई स्वदेश माटाे मरण हुन्छ परदेशमा ।
मान्छे हौँ कहिलेकाहीँ गल्ती पनि हुन सक्छ
माफी भन्दा पनि फाँसी चलन हुन्छ परदेशमा ।
चर्को घाम, रगत अनि पसिनाको भेल सङगै
मर्दै बाँचेको हजुर जीवन हुन्छ परदेशमा ।
सजना वाईबा “सन्ध्या”
खाडादेवी गाउँपालीका -८, गागल, रामेछाप
856पटक हेरिएको 
