वरिष्ठ लोक गायक एल.पी. जोशी र साहित्यकार धनकुटे कान्छा सी.एम. कन्दङ्वा प्रतिभा पुरस्कारबाट सम्मनित


पथरी । वरिष्ठ लोक गायक एल.पी. जोशी र साहित्यकार धनकुटे कान्छा (शंकर चापागाई) लाई सी.एम. कन्दङ्वा कोषद्वारा आयोजित प्रतिभा पुरस्कारबाट सम्मनित भएका छन् । सी.एम. कन्दङ्वा राष्ट्रिय युवा प्रतिभा पुरस्कार धनकुटे कान्छा र विशिष्ट राष्ट्रिय प्रतिभा पुरस्कार जोशीलाई नगद रु. ३५ हजार र ५० हजार सहित ताम्रपत्रले सम्मान गरिएको हो । दुवै सर्जक झापा दमकका हुन् । विहिबार विद्यालय हातामा भएको कार्यक्रममा सरस्वती बन्दना विद्यालय संगीत प्रतिक्षक अनिल फागो, सि.एम. कन्दङ्वाको व्यक्तित्व तथा कृतित्वबारे डा. रामनारायण कन्दङ्वाले प्रष्टाएका थिए ।
कोषका अध्यक्ष रविन कन्दङ्वाको अध्यक्ष्तामा भएको सो सम्मान कार्यक्रममा प्रमुख अतिथि नेपाल प्रज्ञा प्रतिष्ठानका कुलपति गंगाप्रसाद उप्रेतीले सम्मान प्रदान गरिसकेपछि आफ्नो रचना समेत प्रस्तुत गरेका थिए ।
०४३ सालमा पथरीशनिश्चरेमा पहिलो संस्थागत विद्यालय एभरेष्ट माविको स्थापना गर्नुभएका सीएम कन्दंगवाको जन्मजयन्तीको सन्दर्भ पारेर वर्षेनी यस सम्मान कार्यक्रममालाई निरन्तरता दिने अध्यक्ष कन्दङ्वाले बताए । विशेषगरी प्रदेश नम्वर १ का भाषा, साहित्य, कला, संस्कृति, शिक्षा, खेलकुद, पत्रकारिता, चिन्तन, समाजसेवा क्षेत्रका २ व्यक्तित्वलाई वर्षेनी पुरस्कार प्रदान गर्दै जानेछ । वि.स. १९८५ चैत २९ गते भारतको दार्जिलिङमा जन्मिनु भएका कन्दङ्वाको ०६२ फागुन २५ गते पथरीशनिश्चरेमा निधन भएको थियो । उहाँका ४ कृतिहरु प्रकाशित छन् ।
सो सम्मान कार्यक्रममा साहित्यकारहरु बद्री भिखारी, विवश बलिभद्र, मधु पोखरेल, सुमित्रा वाङ्देल चेली, तेजराज खतिवडा, मिन कुमार ‘नवोदित’ लगायतले आफ्नो रचना बाचन गरेका थिए ।

प्रकाशित: समय: 5:38:42  699पटक हेरिएको

तपाईको प्रतिक्रिया

सम्बन्धित समाचार