काठमाडौंको कपनमा निःशुल्क स्वास्थ्य शिविर कार्यक्रम सम्पन्न


काठमाडौंको कपनस्थित माउन्ट एभरेष्ट इंग्लिस स्कुलमा शनिबार निःशुल्क स्वास्थ्य शिविर आयोजना गरिएको छ ।

स्वास्थ्य तथा जनसंख्या राज्यमन्त्री डाक्टर सुरेन्द्र कुमार यादवले शिविरको उद्घाटन गरे । राज्यमन्त्री यादवले निःशुल्क स्वास्थ्य शिविर संचालन गरेकोमा आयोजकलाई धन्यवाद दिँदै देशका विकट क्षेत्रमा यस्ता शिविर संचालन गर्न सुझाव दिए ।

अनेरास्ववियू त्रिवि राष्ट्रिय कमिटीका सहसचिव भुवन आचार्यको पहलमा शिविर संचालन गरिएको हो । सेवा नै धर्म हो भन्ने उद्देश्यले शिविर संचालन गरिएको आयोजकले जानकारी दिएको छ ।

शिविरमा एक हजार भन्दा बढीको स्वास्थ्य जाँच गरिएको थियो । त्यसैगरी शिविरमा आचार्यको व्यक्तिगत पहलमा दश लाख रुपैयाँ बराबरको औषधिसमेत वितरण गरिएको थियो ।

आचार्य राजनीतिका साथै समाजसेवामा पनि सक्रिय भएका छन् । १६ वर्षदेखि अखिलको कमिटीमा कुशलतापूर्वक जिम्मेवारी सम्हाल्दै आएका आचार्यले दर्जनौं स्थानमा यस्ता शिविर आयोजना गरिसकेका छन् ।

गत महिना उनकै पहलमा रसुवाको गोसाइँकुण्डमा पनि स्वास्थ्य शिविर आयोजना गरिएको थियो ।

प्रकाशित: समय: 12:34:42  709पटक हेरिएको

तपाईको प्रतिक्रिया

सम्बन्धित समाचार