खेम मोक्तानको पहिलो आवाजको गीतको छायांकन सम्पन्न


तामाङपेज, १३ फागुन 

काठमाडाैं मोडल तथा म्युजिक भिडियो निर्देशक खेम मोक्तानले गायन क्षेत्रमा समेत आफ्नो कला प्रारम्भ गरेका छन् ।विगत लामो समय अघि देखी मोक्तानले म्युजिक भिडियोमा मोडल र निर्देशन गर्दै आएका थिए ।

मोक्तानले पहिलो पटक ‘के सारो जाडो’ बोलको गीतमा स्वर दिएका छन् । उक्त गीतको भिडियोमा मोडल र निर्देशन समेत मोक्तान आफैले गरेका छन् । भिडियो दोलखा जिल्लाको खरिढुङगा, बोच, मकैबारी, कालिन्चोकको कुरी लगायतका ठाउँहरूमा छायांकन गरेका थिए । कालिन्चोकको कुरीमा भिडियो छायांकन गर्नका लागि मौसम राम्रो नभएको कारण धेरै गाह्रो भएको निर्देशक मोक्तानले तामाङ पेज लाई बताएको छ । कालिन्चोक जाने दिनमा भारि हिउँपात परेपछि उक्त गीतको भिडियो शुटिङ गर्न असहज भएको हो । मौषमले साथ नदिए पनि गीतको शब्दले खोजेनुसारको दृश्य म्युजिक भिडियोमा उतार्ने प्रयास गरेको निर्देशकको भनाई छ । अबको दिनहरुमा गीत संगीत क्षेत्रमा स्वर, मोडल र नृत्य निर्देशनको विधामा अघि बढिरहने कुरा मोक्तानले तामाङ पेज लाई जानकारी दिएको छ ।

उक्त भिडियोमा चर्चित नायिका सुष्मा मोक्तानले अभिनयमा साथ दिएकी छिन् । गीतको शब्द संगीत मोक्तानको हो भने, संगीत भने (नेपाल तामाङ कलाकार संघ) का अधक्ष्य संजीव वाईबाले हालेका थिए । भिडियो छायांकन रोशन फ्युबाले गरेका थिए र ड्रोन याङसिङ लामा ले चलएका थिए ।

प्रकाशित: समय: 12:34:40  843पटक हेरिएको

तपाईको प्रतिक्रिया

सम्बन्धित समाचार