तामाङपेज, १५ माघ :
शंखरापुरमा २८५५ औं फाग सोनाम ल्होछार भव्यताकासाथ मनाइने भएको छ।
वहु जाति,वहु भाषी,वहु संस्कृति र चाड पर्व रहेको हाम्रो देश नेपालको पहिचान अन्तर्गत रहेका हामी तामाङ समुदायले मान्दै आएको एक महान र महत्त्वपूर्ण चाड सोनाम ल्होछारको शुभ अवसरमा आयोजना गरिन लागिएको उक्त कार्यक्रम माननिय सभासद श्री बहादुर सिँ तामाङको आतिथ्यमा भब्यताकासाथ सम्पन्न हुने कार्यक्रम संयोजक तथा कलाकार निसान लामाले तामाङपेजलाई जानकारी दिनुभयो।
कार्यक्रम २०७५ माघ १९ गते शानिबारका दिन हुने र उक्त कार्यक्रममा ख्यातिप्राप्त तामाङ कलाकारहरूको विशेष साङगेतिक प्रस्तुति, तामाङ मौलिक कला संस्कृतिको झाँकी प्रदर्शनका साथै वहु चर्चित सेलो गायक विशाल काल्तन,उत्तर लामा,गायिका जितु लोप्चन र स्थानीय कलाकारहरूको पनि बेजोड प्रस्तुति रहनेछ।
आफ्नै संस्कृति , परम्परा अनुसार आफ्नै मौलिकता झल्किने भेषभुषामा पाल्नु हुन सम्पूर्ण शंखरापुर बासीलाई गरिमामय उपस्थितिको लागि कलाकार तथा कार्यक्रम संयोजक लामाले हार्दिक अनुरोध गर्नुभएको छ।
550पटक हेरिएको 
