मिस धिमालको पहिलो अडिसनमा ३५ जना युवतीहरु सहभागी


उर्लाबारी २८ पौष । मिस धिमाल २०१९ को पहिलो अडिसन सम्पन्न भएको छ । मोरङको उर्लाबारीस्थित सेन्टर फेसन हबको हलमा अडिसन भएको पहिलो चरणको अडिसनमा ३५ जना युवतीहरुको सहभागीता रहेको थियो । दोश्रो अडिसन यसै ठाउँमा गरिने कार्यक्रमका संयोजक सुनिल धिमालले जानकारी दिएका छन् । अडिसनमा मोरङ, झापा, सुनसरी र काठमाण्डौबाट प्रतिस्पर्धीहरु सहभागी भएका थिए । अडिसनबाट २५ जना मात्र छनौट भई उनीहरुलाई प्रशिक्षणमा उतारिने आयोजकले जानकारी दिएको छ । छनौट भएका २५ जनालाई माघ ६ गतेदेखी प्रशिक्षण दिइने संयोजकले जानकारी गराए । धिमाल जातीय विकास केन्द्रको भातृ संगठन धिमाल विद्यार्थी मञ्चको आयोजनामा धिमाल समुदायमा रहेका युवा तथा युवतिहरुको व्यक्तित्व विकास तथा क्षमता अभिबृद्धी संगै जातीय कला, भाषा, संस्कृति, पहिचानको सम्मान गरी आफ्नो समुदायलाई अघि बढाउने हेतुले मिस धिमाल कार्यक्रम आयोजना गर्न लागिएको कार्यक्रमका सचिव मणिराज धिमालले बताए ।

प्रकाशित: समय: 13:48:31  449पटक हेरिएको

तपाईको प्रतिक्रिया

सम्बन्धित समाचार