निर्वाचन सकिनेवित्तिकै बोल्नुपर्थ्यो


अन्तरिम संविधानको प्रावधान हेर्दाचाहिँ नयाँ संविधान नबन्दासम्म राष्ट्रपतिको पदावधि रहने भन्ने छ । तर, अहिले निर्वाचन भएर बनेको संविधानसभा सार्वभौम अधिकारसम्पन्न हो । अघिल्लो संविधानसभाले संविधान नबनाएको हुनाले अब अन्तरिम संविधान संशोधन गरेर या नयाँ व्याख्या गरेर अगाडि बढ्नुपर्छ ।

नयाँ राष्ट्रपतिको निर्वाचन नै गर्नुपर्छ भन्ने पनि छैन । संविधानसभाको पहिलो बैठकमा यिने राष्ट्रपतिमाथि ‘समर्थन छ’ भन्ने प्रस्ताव लगेर संविधानसभाको सामान्य बहुमतबाट रेजुलेशनबाट अनुमोदन गराए हुन्छ ।

एमाले र कांग्रेसवीच यिनै राष्ट्रपतिलाई निरन्तरता दिनेमा सहमति भएको भए सबैभन्दा राम्रो हुन्थ्यो । तर, अब प्रश्न उठिसकेपछि राष्ट्रपति र उपराष्ट्रपतिले हाउसको फेसै नगरी अगाडि बढ्छु भन्ने स्थिति छैन । पदावधि निरन्तर रहन्छ भनेर तर्क गर्ने आधार बलियो छैन ।

निर्वाचन सकिनेवित्तिकै राष्ट्रपतिले बोल्नुपथ्र्यो । निर्वाचन सम्पन्न भएकोमा जनतालाई धन्यावाद दिँदै राष्ट्रपति आफैंले हाउसले विश्वास गर्छ भने बस्छु, अन्यथा विदा हुनु तयार छु भनिदिएको भए यो संस्था विवादमा आउने थिएन । राष्ट्रपति आफैंमा पदलोलुप हुनुहुन्न र उहाँले आफ्नो कार्यकालमा राम्रो काम गर्नुभएको छ । तर, उहाँका सल्लाहकारहरुले राम्रो ह्याण्डिलिङ गरेको देखिएन । चुनाव सकिनेवित्तिकै राष्ट्रपतिले सम्बोधन गरिहालेको भए राम्रो हुन्थ्यो । एमाले कांग्रेसको वीचमा पनि समझदारी भैदिएको भए हुन्थ्यो, त्यसो नभएकाले अब यो विषयलाई लिएर संसदमा होहल्ला हुन सक्छ, त्यस्तो हुनु राम्रो होइन ।

प्रकाशित: समय: 6:23:49  397पटक हेरिएको

तपाईको प्रतिक्रिया

सम्बन्धित समाचार